Ek disha ho aisi, jo manzilon tak pahochaye,
Man unchayion ko chuye, bina pankh katraye,
Kisi ka dar na ho, khayal ho bandishon se pare,
Man me ho khushiyon ka shor, aur ankhon me ashaaon ke moti jade,

Wo pal na aaye kabhi, jahan dum todte ho ahsaas,
Ummeedon me chingari ho, aur achayiaan ho aas paas,
Phir koi rok nahi sakta,man patange ko udne se,
Kyun mud ke dekhenge peeche, jab milti hain khushiya is pal se judne se,

Ek disha ho aisi, jo manzilon tak pahochaye,
Man unchayion ko chuye, bina pankh katraye,

Kitabo ke panne me zindgi reh na jaye,
Jab man ho patanga, phir koi na baandh paye,
Soch ki seema na rahe, akanchaaon ke pankh lag jaye,
to kyun sochenge bhala hum, man kahin bhi mandraye...

Ek disha ho aisi, jo manzilon tak pahochaye,
Man unchayion ko chuye, bina pankh katraye..